Saki i parashikoi të ardhme të madhe, Interi e projekton Barelën si…

Saki i parashikoi të ardhme të madhe, Interi e projekton Barelën si…

Arrigo Saki dinte diçka, kur si koordinator i moshave të reja të kombëtares italiane, mbronte nga dyshimet e të tjerëve Nikolo Barelën. “Për të mësuar të luajë futboll ka kohë, – thoshte, – atë do t’ia mësojmë ne, por dikë me një temperament të tillë, ku e gjeni?” E lehtë sot të bashkohesh me këtë ide, e lehtë sot të dëgjosh të thuhet: “E shikoj veten te Barela”.

Është kthyer në një vjershë, të shumtë janë kampionët që krahasohen apo i krahasojnë me mesfushorin e Interit, i cili tani mbledh forcat për Kievin, ai që nuk pushoi as kundër Xhenoas në “Marassi”: u nevojit ai për të shërbyer Lukakun dhe të zhbllokonte ndeshjen, diçka që (në vlerësimet e ditës më pas në ambientet zikaltër) mund të kishte ndodhur edhe më përpara për shkak të episodeve kontroverse në zonën e Xhenoas.

KRAHASIME – Fuqi e Barelës, e një mesfushori që sot ka fituar skenën dhe ndoshta më shumë se forcën e gjashtë kolegëve të krahasimeve. Të vendosur në radhë, nga Tardeli te Berti, nga Banji te Markizio, nga Naingolan deri tek Antonio Konte, i fundit që shpenzoi një kompliment disa ditë më parë: “Po, e shikoj veten tek ai, edhe pse Nikolo është më i zoti se unë”.

E ARDHMJA – Tani është cilësia teknike ajo ku Barela mund të përmirësohet, megjithëse disa perla i ka dhuruar. E kujtoni golin në Veronë një kampionat më përpara apo asistin për manual në Poloni-Itali (edhe pse këtu nuk hyn Interi) për Pelegrinin? Mund të mësojë me siguri shumë, me “mësues” Konten. E në rastin e trajnerit aktual zikaltër krahasimi është edhe një projeksion: Antonio e nisi nga provinca për t’u bërë kapiten i Juventusit; te Barela është mirë të kthehemi pas disa kohësh, por mund të jetë ai kapiteni i së ardhmes, së paku siç filtrohet nga ambientet interiste. Me lejen e Handanoviçit…